Principio, ut magnum fœdus Natura creatrix
Firmavit, tardis jussitque inolescere membris
Sublimes animas; tenebroso in carcere partem
Noluit ætheream longo torpere veterno:

Nec per se proprium passa exercere vigorem est,
Ne socia molis conjunctos sperneret artus,
Ponderis oblita, et cœlestis conscia flammæ.
Idcircò innumero ductu tremere undique fibras
Nervorum instituit: tum toto corpore miscens
Implicuit latè ramos, et sensile textum,
Implevitque humore suo (seu lympha vocanda,
Sive aura est) tenuis certè, atque levissima quædam
Vis versatur agens, parvosque infusa canales
Perfluit; assiduè externis quæ concita plagis,
Mobilis, incussique fidelis nuntia motûs,
Hinc indè accensâ contage relabitur usque

Ad superas hominis sedes, arcemque cerebri.

Namque illic posuit solium, et sua templa sacravit

NOTES.

35

40

45

Ver. 31. Aurea Musa] "At non Venus aurea contra," Virg. Æn. x. 16.

te fruitur credulus aurea," Hor. Od. I. v.9.

Ver. 32. Natura] "Rerum natura creatrix," Lucret. i. 623.

“Qui nunc

Ver. 35. Torpere] "Nec torpere gravi passus sua regna veterno," Virg. Georg. i. 124. Ver. 45. Plagis] "Sequenti concita plaga," Lucret. iv. 189. "Externis plagis," Ibid. ii. 1140.

Mens animi: hanc circum coëunt, densoque feruntur
Agmine notitiæ, simulacraque tenuia rerum:
Ecce autem naturæ ingens aperitur imago
Immensæ, variique patent commercia mundi.

Ac uti longinquis descendunt montibus amnes
Velivolus Tamisis, flaventisque Indus arena,
Euphratesque, Tagusque, et opimo flumine Ganges,
Undas quisque suas volvens, cursuque sonoro
In mare prorumpunt: hos magno acclinis in antro
Excipit Oceanus, natorumque ordine longo
Dona recognoscit venientûm, ultròque serenat
Cæruleam faciem, et diffuso marmore ridet.

Haud aliter species properant se inferre novellæ
Certatim menti, atque aditus quino agmine complent.

50

55

60

Ver. 51. Tenuia] So Lucretius, iii. 244 :

"Qua nec mobilius quidquam neque tenuius exstat."

And Virg. Georg. i. 398:

"Tenuia nec lanæ per cœlum vellera ferri.”

Ver. 51. Rerum] "Rerum simulachra ferantur," Lucret. iv. 165. "

commercia mundo," Claud. xxxiii. 91.

Geminoque facis

Ver. 59. Oceanus] "Te tuus Oceanus natali gurgite lassum Excipit,” Claud. vii. 176.

Ver. 60. Dona]" Dona recognoscit populorum," Virg. Æn. viii. 721.

Ver. 61. Diffuso] "Diffuso lumine ridet," Lucret. iii. 22.

Primas tactus agit partes, primusque minutæ
Laxat iter cæcum turbæ, recipitque ruentem.
Non idem huic modus est, qui fratribus: amplius ille
Imperium affectat senior, penitusque medullis,
Visceribusque habitat totis, pellîsque recentem
Funditur in telam, et latè per stamina vivit.
Necdum etiam matris puer eluctatus ab alvo
Multiplices solvit tunicas, et vincula rupit ;
Sopitus molli somno, tepidoque liquore

65

70

Circumfusus adhuc: tactus tamen aura lacessit
Jamdudum levior sensus, animamque reclusit.

Idque magis simul, ac solitum blandumque calorem

75

Frigore mutavit cœli, quod verberat acri

Impete inassuetos artus: tum sævior adstat

Humanæque comes vitæ Dolor excipit; ille

Cunctantem frustrà et tremulo multa ore querentem
Corripit invadens, ferreisque amplectitur ulnis.
Tum species primùm patefacta est candida Lucis
(Usque vices adeò Natura bonique, malique,
Exæquat, justâque manu sua damna rependit)
Tum primùm, ignotosque bibunt nova lumina soles.

80

NOTES.

Ver. 69. Latè per stamina] So Pope's Essay on Man, i. 217:

"The spider's touch, so exquisitely fine,

Feels at each thread, and lives along the line."

Ver. 70. Puer] "Tum porro puer.- Nixibus ex alvo matris natura profudit," Lucret. "Cum veteres ponunt tunicas," Ibid. iv. 56.

v. 223.

Ver. 80. Amplectitur] "Cupidisque amplectitur ulnis," Ovid. Met. xi. 63.

Ver. 81. Species] "Nam simul ac species patefacta est verna diei!" Lucret. i. x.

VOL. I.

2 H

Carmine quo, Dea, te dicam, gratissima cœli
Progenies, ortumque tuum; gemmantia rore
Ut per prata levi lustras, et floribus halans
Purpureum Veris gremium, scenamque virentem
Pingis, et umbriferos colles, et cærula regna?
Gratia te, Venerisque Lepos, et mille Colorum,
Formarumque chorus sequitur, motusque decentes.
At caput invisum Stygiis Nox atra tenebris
Abdidit, horrendæque simul Formidinis ora,
Pervigilesque æstus Curarum, atque anxius Angor:
Undique lætitiâ florent mortalia corda,
Purus et arridet largis fulgoribus Æther.

Ver. 88. Purpureum] "Hic Ver purpureum," Virg. Eclog. ix. 41.
Ver. 89. Umbriferos] "Umbriferum nemus," Lucret. vi. 703.
Ver. 91. Motusque decentes]

"Quove color? decens

Quo motus?"

Hor. Od. IV. xiii. 17.

Ver. 92. Caput] "Invisum hoc detrude caput sub Tartara," Æn. ix. 476. "Stygis tenebris," Georg. iii. 551.

Ver. 93. Horrendæque] "Subit horrida mentem formido," Sil. Ital. x. 544; Lucret. vi. 253. "Curarum fluctuat æstu," Virg. Æn. viii. 19.

Ver. 96. Arridet largis] " Improviso vibratus ab Æthere fulgor," Virg. Æn. viii. 524.

Omnia nec tu ideò invalidæ se pandere Menti
(Quippe nimis teneros posset vis tanta diei
Perturbare, et inexpertos confundere visus)
Nec capere infantes animos, neu cernere credas
Tam variam molem, et miræ spectacula lucis:
Nescio quâ tamen hæc oculos dulcedine parvos
Splendida percussit novitas, traxitque sequentes ;
Nonne videmus enim, latis inserta fenestris
Sicubi se Phoebi dispergant aurea tela,
Sive lucernarum rutilus colluxerit ardor,

Extemplo hùc obverti aciem, quæ fixa repertos
Haurit inexpletum radios, fruiturque tuendo.
Altior huic verò sensu, majorque videtur

100

105

Addita, Judicioque arctè connexa potestas,

110

Quod simul atque ætas volventibus auxerit annis,
Hæc simul, assiduo depascens omnia visu,

Perspiciet, vis quanta loci, quid polleat ordo,

Juncturæ quis honos, ut res accendere rebus

Lumina conjurant inter se, et mutua fulgent.

115

Nec minor in geminis viget auribus insita virtus,
Nec tantum in curvis quæ pervigil excubet antris
Hinc atque hinc (ubi Vox tremefecerit ostia pulsu
Aëriis invecta rotis) longèque recurset:

Scilicet Eloquio hæc sonitus, hæc fulminis alas,

NOTES.

120

Ver. 102. Nescio] "Nescio qua præter solitum dulcedine læti," Virg. Georg. i. 413. Ver. 104. Inserta] "Plena per insertas fundebat luna fenestras," Virg. Æn. iii. 152. Ver. 105. Tela] "Lucida tela diei," Lucret. i. 128.

Ver. 108. Haurit] " Expleri mentem nequit, ardescitque tuendo," Virg. Æn. i. 713. Ver. 113. Polleat] "Tantum series, juncturaque pollet," Horat. Art. Poet. 242. "Ita res accendent lumina rebus," Lucret. i. 1110.

Ver. 119. Invecta] "Puniceis invecta rotis," Virg. Æn. xii. 77.