quentem, captam, detentam et arrestatam, ut contra eam et super aliquibus concernentibus dictam fidem catholicam, per eam perpetratis, valeret, prout jus et ratio suadent, inquirere et procedere. Qui quidem domini et cæteri dictæ mulieris detentores, etiam ex parte christianissimi principis et domini nostri Henrici, Dei gratia Francorum et Angliæ regis, ac etiam almæ Universitatis studii Parisiensis, ad eamdem finem requisiti, hujusmodi requisitionibus, monitionibus et sommationibus, tamquam fideles catholici et in favorem fidei acquiescentes, dicto domino nostro regi, seu ejus in hac parte commissis, eamdem Johannam tradiderunt et liberaverunt, postmodum ad civitatem Rothomagensem adductam, tutæque commissam custodiæ, ex ordinatione et consensu ejusdem domini nostri regis, præfato reverendo in Christo patri ad præsens traditam, expeditam et liberatam. In qua civitate Rothomagensi, pluribus consideratis et attentis, et maxime temporibus currentibus attendendis et considerandis, proponebat de præmissis juxta theologicas et canonicas sanctiones inquirere, et super his informationem seu informationes debitas facere seu facere fieri; dictam sic suspectam interrogare, ac, si opus sit, carceri mancipare, et alia quæ hujusmodi inquisitionis negotium tangunt seu tangere poterunt, cum dependentiis et annexis peragere: non intendens tamen falcem suam in messem nostram, absque nostro consensu, ponere, nos in juris subsidium requirendo, quatenus territorium pro hiis et aliis hanc materiam concernentibus peragendis, sibi concedere vellemus. Hinc est quod ejusdem reverendi patris requisitioni, tanquam juri consonæ, favorabiliter anuuentes in favorem fidei

catholicæ, eidem reverendo patri, tam in hac civitate Rothomagensi, quam alibi ubicumque sibi visum fuerit expediens, infra limites Rothomagensis dioecesis pro præmissis omnibus et singulis ea concernentibus faciendis, cognoscendis, decidendis et fine debito terminandis, territorium concessimus, dedimus et assignavimus, concedimus, damus et assignamus per præsentes; omnes et singulos nostros subditos, in dictis civitate ac dioecesi Rothomagensi existentes, etiam utriusque sexus et cujuscumque conditionis existant, monentes, et eorumdem cuilibet, virtute sanctæ obedientiæ, præcipientes injungendo ut, causa testimonii ferendi, habendæ consultationis, aut alias qualitercumque, dicto reverendo patri in hac re et ejus dependentiis, obediant, pareant et intendant, auxilium et favorem exhibeant; concedentes et consentientes, ut hujusmodi inquisitionis negotium integraliter, sententialiter et cum effectu, ac si esset in sua propria dioecesi Belvacensi, secundum et juxta juris ordinem, possit et valeat libere et absolute, per se vel commissos et deputatos, seu committendos aut deputandos ab eo, (1) seu cum Inquisitore hæreticæ pravitatis aut ejus commisso seu committendo, communiter vel divisim procedere et finaliter concludere; auctoritatem sibi et facultatem, si et in quantum opus est, et cum Deo melius possumus, dantes et concedentes, jure tamen dignitatis archiepiscopalis Rothomagensis dioecesis in aliis semper salvo. Datum sub magno sigillo curiæ Rothomagensis, una cum signetis quibus ad præsens utimur. Anno Domini millesimo cccc. trice

(1) Lisez, absque seu cum, etc.

simo, die XXVIII. mensis decembris. » Sic signata : « R. GUEROULDI. >>

Item sequitur tenor litterarum promotoris.

« Universis præsentes litteras inspecturis, PETRUS miseratione divina Belvacensis episcopus, salutem in Domino. Cum quædam mulier vulgariter dicta Johanna la Pucelle ab anno citra, infra metas et limites nostri Belvacensis dioecesis capta et deprehensa, ex parte illustrissimi principis domini nostri regis, tanquam publice et notorie diffamata, scandalizata et suspecta de nonnullis sortilegiis, incantationibus, dæmonum seu malignorum spirituum invocationibus et allocutionibus, ac aliis quam plurimis nostræ fidei materiam concernentibus, nobis Ordinario, ad finem quod processum contra eam in forma juris in ipsa fidei materia faceremus, reddita et restituta fuerit; nosque in ipsa fidei materia mature et secundum formam juris procedere cupientes, ex multorum tam in jure divino quam canonico et civili, coram nobis, propter hoc evocatorum in hac civitate Rothomagensi (territorio jurisdictionis spiritualis, Rothomagensis, pro ipsa materia tractanda et decidenda, prius nobis accommodato), deliberatione et consilio, reperimus necessarium et conveniens esse, habere promotorem generalem officii nostri, in causa seu materia hujusmodi, consiliarios et notarios seu scribas, ac etiam exsecutorem mandatorum et convocationum in ipsa materia fiendarum. Notum igitur facimus quod nos, deliberationem et consilium hujusmodi ac terminos juris insequi volentes, ac de fidelitate, probitate, industria, sufficientia et idoneitate personæ venerabilis viri

domini Johannis de Estiveto, presbyteri, ecclesiarum Baiocensis et Belvacensis canonici, plenam in Domino fiduciam gerentes et debite informati, ipsum dominum Johannem fecimus, constituimus, creavimus, nominavimus, ordinavimus et deputavimus; constituimus, creamus, nominamus, ordinamus et deputamus promotorem seu procuratorem officii nostri, quoad causam sive materiam hujusmodi, deducendi, generalem et specialem; dantes eidem promotori et procuratori generali, tenore præsentium, licentiam, facultatem et auctoritatem standi et comparendi in judicio et extra, contra dictam Johannam partem se faciendi, articulos, interrogatoria, testes, litteras, instrumenta et alia probationum genera dandi, tradendi, administrandi, producendi et exhibendi, ipsamque Johannam accusandi et denuntiandi, examinari et interrogari petendi, faciendi et requirendi, concludendi in causa et exercendi quæ ad officium promotoris seu procuratoris, de jure aut consuetudine, pertinere dignoscuntur. Quocirca omnibus et singulis quorum interest, mandamus, quatenus eidem domino Johanni hujusmodi officium exercendo, pareant, obediant et intendant, sibique auxilium præstent, consilium pariter et juvamen. In cujus rei testimonium, sigillum nostrum præsentibus his litteris duximus apponendum. Datum et actum in domo habitationis magistri Johannis Rube, canonici Rothomagensis. Anno Domini millesimo cccc. xxx°., die nona mensis januarii. » Sic signata : «E. DE ROSIERES. >>

Item sequitur tenor litterarum notariorum.

« Universis præsentes litteras inspecturis, PETRUs,

miseratione divina Belvacensis episcopus, etc. (1). Notum igitur facimus quod, nos deliberationem et consilium hujusmodi ac terminos juris insequi volentes, ac de fidelitate, probitate, industria, sufficientia et idoneitate personarum discretorum virorum, dominorum Guillelmi Colles, alias Boisguillaume et Guillelmi Manchon, presbyterorum Rothomagensis dioecesis, publicorum apostolica et imperiali auctoritatibus, ac curiæ archiepiscopalis Rothomagensis notariorum juratorum, plenam in Domino fiduciam gerentes et debite informati; interveniente etiam, quod tum opus erat, consensu et auctoritate venerabilium vicariorum archiepiscopatus Rothomagensis, sede vacante : ipsos et quemlibet ipsorum retinuimus, elegimus et nominavimus, retinemus, eligimus et nominamus notarios et scribas in materia et causa hujusmodi; dantes etiam eisdem et cuilibet eorumdem, licentiam, facultatem et auctoritatem accedendi ad præsentiam dictæ Johannæ et alia loca, ubi et quando et quotiens opus fuerit; eam interrogandi, seu interrogari audiendi, testes producendos in ipsa materia jurandi, examinandi, et ipsius Johannæ ac dictorum testium dicta et confessiones, necnon opiniones doctorum et magistrorum recolligendi, verbo tenus vel in scriptis nobis referendi, ac omnia et singula acta in hac materia, facta et facienda in scriptis ponendi, ac totum processum in forma debita faciendi et in scriptis redigendi, cæteraque faciendi, prout ad notariorum officium de jure pertinet, ubicumque et quando

(1) Les considérants sont les mêmes que dans l'acte précédent.